Digitale Charterbank Nederland
De Digitale Charterbank Nederland (DCN) is een centraal dataportal waarin uiteindelijk de gegevens van alle in de Nederlandse archiefinstellingen bewaarde charters in één zoekactie kunnen worden doorzocht. Het portal is ontwikkeld in een samenwerking tussen het Huygens Instituut voor Nederlandse Geschiedenis en DE REE archiefsystemen te Groningen, die de digitale toegangen van een groot deel van de Nederlandse archieven beheert. De derde partner in het project, dat werd ondersteund door NWO, was Het Utrechts Archief. Voorts is actieve medewerking verleend door het Regionaal Historisch Centrum Limburg, het Nationaal Archief en veel andere archiefdiensten.
‘Charter’ is de archiefterm voor een afzonderlijk stuk perkament of papier, lees verder
Mijn Studiezaal (inloggen)
titel ( Regionaal Archief Tilburg )
Zoeken in Charters
Hertoghe willem van beye[re]n Grave van holland van Zeland here van vriesland ende verbeyder der graefscap van henegouwen
Doen cond allen luden Dat wi met goeden voersiene om trouwe dienste die onse lieve ende ghetrouwe poertere van onser stede
van sinte gheerden berghe Ons ende onsen ouderen ghedaen hebben ende ons ende onsen nacomelinghen noch doen moghen ghegheve[n]
hebben ende gheven alsulc recht gracie ende vrihede als hier na bescreven staen Inden eersten soe hebben wi hem ghegheven en[de]
gheven dat wise versechen verlenen noch veruerven en sullen in gheenre manieren vander bailiuscap van zuutholland si en sulle[n]
ander graeflichede van holland bliven altoes ende daer of gheregeert sijn Voert soe hebben wi ghegheven onsen goeden lude[n]
voerseyt soe wat poerter van sinte gheerden berghe sijn lijf met rechte verboerd die en mach ieghens ons nietmeer ver
boren Dan half sijn eyghelike goed ende die ander helfte sal bliven sinen wive of sinen wittachtighen kinderen of sinen
gherechten erfnamen hadde hi gheen wijf . noch wittachtich kint Voert soe hebben wi hem ghegheven dat alle poertere
die scepene of rade gheweest hebben of sijn In der tijt vreden nemen moghen gheliken onsen scoute . Voert waer dat sake dat
onse lieve stede voirscr[even] enighe hantvesten hadde die verout of verdonkert waren of bi onghevalle verloren verbrand of
van ouderdom doerghegaet worden dat si betoghen mochten met uutscriften bezegheld met wittachtighen luden die souden
wi hem vernuwen ende bezeghelen buten haren coste behoudelijc ons ende onsen nacomelinghen altoes onser heerlichede ende
onser graefliker ghewelt Ende om dat wi willen dat alle dese voerscreven poynten onsen poert[er]en voernoemd eweliken
vaste ende ghestade ghehouden worden van ons ende van onsen nacomelinghen soe hebben wi desen brief en[de] hantvesten
open bezeghelt met onsen zeghele Ghegheven tot sinte gheerden berghe opden vier ende twintichsten dach van meye Int
Jaer ons h[er]en dusend drie hondert vive ende vijftich .
N.B. Herkomst: 2600. Archief stadbestuur Geertruidenberg, inv. nr. 1.
Digitaal beschikbaar via de website
