Digitale Charterbank Nederland

Kaerle van Gods genaden gecoren Roms Coninck toecomende Keijser altijts vermeerder vrijer Coninck van Castillien, van Leone, van Grenaden, van Aragon, van
Navarren, van Bieden Ceullien, van ..?.., van Valence, van Malengue, van Sardene, van Casinje Ertshertoghe van Oijen, Hertoge van Heneg(ouwen), van Lith(ouwe), van Brabant, van Scijed(am), van
Karinte, van Crain, van Lemborch,van x Luxemborch ende van Ghelre, Grave
van Vlaenderen, van Habsborch, van Thirol, van Artoijs, van Bourg(ondien) Palsgrave en(de) van Henegouwe, Lantgrave van Elsaten, Prince van Terwanen, Marcgrave van Burgauw ende des Hertoghs
rijcx van Hollant van Zeelant van Phirt van Eiburg van Namen
ende van Zutphen, Grave heere van Vrieslant, vanden Windisemarcken van Portenauw van Salins ende van Mechelen. Allen den ghenen die dese onsen briefven zullen zien salut. Van wegen den burgm
(eester) scepen(en) ende regeerders onser stede van
Sinte Geertruijdenberge over ende inde name der selver stede ende den inwoenders van dien is ons ghethoont geweest, Dat inden jaere duijsent II(hondert) ende CXXI tsaterdags nae Peter et Pauli wijlen
salijger gedachten floreren quam van
Hollant, Dinwoenders der voirs(chreven) stede bij sijn(en) oepen brieven gegundt ende bij previlegie geoctroijeert heeft dat zij luijden bijnnen den bedrijve van Zuijthollant inne gheene saecke off redene
vuijtgesonde(rt) twee puncten inden voors(chreven) brieven
begrepen aengesprocken gearresteert en soude mogen worde noch in persoen noch in haere goeden, dan voor haere schulden die bekent soude wesen voor een waerheith rechter tot sulcken zaken en
(de) affairen gedeputeert breeden inden voirs(chreven) oepen(e)
brieve verclaert, welcke voirs(chreven) previlegien bij wijlen Willem grave van Hollant inde jaere duijsent III(hondert) ende XXXV geconfirmeert geweest zijn, Dat inde jaere duijsent II(hondert) ende
CXXVII de voirs(chreven) florene grave van Hollant bij anderen
sijn(e) oepen(e) brieven den voirs(chreven) thoonders gegundt heeft, Dat soe wije wonnende binnen Zuijthollant eenige schulden beloeffde oft eenige beloeffte aenginge voir scepen(en) der voirs(chreven
stede ende den termijn van betaelinge onnut gecomen zijnde
negligent waere te voldoen. Dat als dan de Bailleu van Zuijthollant inden tijt wesende de selve beloofte ende schulden bij antastinge ende detentie off bij pandinge vanden goeden vanden schuldenaer ofte
beloeven sal doen volbringen, mede
voldoen nae vonnisse der voirs(chreven) scepenen heeft oock wijlen Albrecht Hertoge in Beieren grave van Hollant bij sijn oepene briefven gegeven op Sint Jans dach decolatiome in (duijsent) III (hondert)
ende XCVII, macht gegeven dat castelen schout scepen(en) ende
Raedt der voirs(chreven) stede, dat zij alle mesdadigen luijden die geboeit off misdane hadden tegens hem off tegens de voirs(chreven) stede, waer zij die vinden souden bijnnen onder haelf mijle weeghs,
naer (den) voirs(chreven) stede aentasten vanghen ende inden
voirs(chreven) stede soude mogen brenghen ende daer over te vechten nae sulcken bruecken ende misdaden als zij misdan hebben, Twelck wijlen salijger gedachten Hertoge Philips onsen over oude
vader inden jaere (duijsent) IIII (hondert) ende L opten XX e dach in
juino wederome van nijen was gegundt heeft mits dampliatie vanden misdadigen te mogen vangen bijnnen twee mijlen weeghs naer(den) voirs(chreven) stede. Dat wijlen Willem paelsgrave opten rijn
Grave van Hollant, in(den) jaere d(uijsent) IIII (hondert) ende vier,
den XX e in maerte der voirs(chreven) stede omme die te beteren ende te vesten gegundt heeft te mogen houden vierhondert lantpoorters. Doen te gebruijcken ende te bedrijven met alle rechte ende in
alle manieren gelijcken den ingeseten poorters binnen
den voirs(chreven) stede, Ende daertoe inden voirs(chreven) jaere alle de voirg(enoemden) octroije ende previlegie geconfirmeert. Dat wijlen Hertoge Willem van Beijeren grave van Henegouwe van
Hollant etc. inden jae(re) drie hondert henl(uijden) verleent heeft voir previlegien
den eersten inhoudende dat men de voirs(chreven) thoenders vanden baillieuscap van Zuijthollant nijet versetten en soude ende dat zij altijt blijven soude aenden graeffuelickheijt, ende bij die geregeert
wesen soude, Den tweede dat wat poerteren onser
voirs(chreven) stede die zijn lijf met recht verbuert hadde hij en mocht maer het helft van zijne eijgen goet verbuert. Den derde dat alle de poirteren die schepenen oft raedt geweest hadden off naemaels
wesen soude vreeden alsoo wel soude mogen
nemen als den Schout. Den vierde dat indien eenige handtvesten der voirs(chreven) stede veroudt off verdonckere waeren off bij ongevallen verbrant off verloren off van oudom doer gegaet worden,
Indien zij betogen mochten met vuijtscrijste besegelen
met wijttatige luijden, Dat indien gevael men henl(uijden) de selve vernyeuwen ende herseghel soude sonder haer cost. Dat wijlen grave Willem van Henegouwe Hollant Zeelant etc. inden jae(re) duijsent
IIII (hondert) ende VII ons voirs(chreven) stede een vrij
weeken maert dach te weten alle mandagen inden jaere geottroieert heeft met geleijden voor alle die geene die de voirs(chreven) weecken maert van finandaech bes..(gat in charter) soude, Ende dat
wijlen de keijsere ende vrouwe Marie sijn gesellinne onsen
groot her(e) ende groot moeder die God genadich zij tot hunnen aencompste aenden lande ende graeffelijcheijt van Hollant allen de voirs(chreven) previlegie hunl(uijden) geconfirmeert hebben als
bij den coper van hunnen briefven aen hunne suppliant gehecht
blijken mochte. Ende af ist soo dat de voirs(chreven) acten vanden voirs(chreven) thoonders ende zijluijden successie van allen den voirs(chreven) previlegie zijchtent de selve hunl(uijden) verleent zijn
geweest tot nu toe vredelijcke ende rustelijcke gevseert ende
eenen gebruckt hebben sonder eenige contradictie, Des nijetmin, Want zij vanden voirs(chreven) previlegie tgheen confirmatie geobtimeert en hebben van wijlen de Coninck ons(en) lieve Heere ende
Vadere noch van Hertoghe saecke
van voirg(en) onsen out voirvadere die God genadich zij, Des beijden negtigen(de) vanden ghenen die de voirs(chreven) stede als doen regeerde gebuert mach wees(en), zoo bedachten zij dat men
henl(uijden) onder dexel van dien in toecomende tijde int gebruck
vanden voirs(chreven) previlegie off van Coninghen van dien soude willen turberen tot hun(ne) ende onsen voirs(chreven) stede achterdeel ten waere ontr.?..ten onse provisie ende sunderlinghe van onse
approbacie, ratifficatie en(de) confirmatie
vanden selve previlegie, Waer aff zij ons oetmoedelijckt ghebeden hebben Soo ist dat wij des voirs(chreven) is gemerct gehadt hier op tadvijs van onsen zeere lieve ende getrouwe de Stadthouder
president ende de luijden van
onsen Raede van Hollant, Zeelant ende Vrieslant. Den voirs(chreven) supp(lianten) genegen wesende tot hueren supplicatie bij advijs van onsen zeere lieve ende getrouwe ridder ende groot cancell(ie)r
he(re) intreveniens Heere van Gott Maria ende
vanden hoofde ende de luijden van onsen secreet rade mit rijpe deliberatie vuut onsen coninckelijcke macht auctoriteijt ende sunderlinghe gratie in geval als boven gegundt verleent ende geoctroijeert
hebben gunnen(de) verleenen
ende veeroveren bij desen des naer volght. IJerste aengaende het previlegie hunl(uijden) bij wijlen Florijs Grave van Hollant inden jaere duijsent twee hondert een ende tseventich gegeven. Dat men
egheen poerters der voirs(chreven) stede
van Sinte Geertruijdenberge in persoone oft hueren goeden binnen Zuijt Hollant sal mogen becommeren molesteren oft arresteren voor eenige schulden, ten waere dat die schulden ende contracten daer
die vuijtspruijten gecontraheert
waeren binnen Zuijt Hollandt oft indien questie gerese tegens eenige poorters van Sinte Geertruijdenberge ter cause van landt in Zuijt Hollant gelegen, Oft oick dat die poorters der voirs(chreven) stede
binnen Zuijt Hollant gedelingneert
hadden oft fugitiff waeren in welcke gevalle men op die persoonen vanden poorters der voirs(chreven) stede ende hueren goeden binnen Zuijt Hollant wel sal mogen procederen. Die tweeste previlegie
boven geroert hunl(uijden) bijden voirg(enoemde)
grave Florijs van Hollant inden jaer duijsent twee hondert zevent ende zeventich verleent, approberen, ratifficeren ende confirmeren wij. De derde previlegie den suppl(ianten) bij Hertoghe Albrecht van
Beijere verleent tot zijnen
wederseggen ten tijde dat onsen stede vanden Berghe in beter vigneur was dan die nu is. Renoceren wij ende aboleren, ordonneren dat de voors(chreven) suppl(ianten) dit aengaende voirtaen, justitie
bijnnen huen(en) bedrive doen sullen ende nijet voirderen
op de vierde previlegie roerende die lantpoorters onsen voirs(chreven) stede van Sinte Geertruijdenberge, hebben wij geordonneert ende ordonneren, Dat zij voirtaen lantpoorters sullen mogen hebben
ende dat de selve lantpoorters gelijcke vrijheijt
hebben ende gebrucken sullen als die inwoenen(de) poorters aldaer, tot onsen wederseggen. Overmitz betalende bij elcs lantpoorter jaerlijckx twee gouden Ph(ilippus) gulden off de werde van dien, Den
een tot onsen voirs(chreven) stede prouffijte ende
den ander tot den onsen, In handen van onsen Rentm(eester) van Zuijthollant, inden tijt wesende alyer zij vanden voirs(chreven) poirterie gebrucken sullen moghen. Waeraff onsen voirs(chreven)
rentm(eester) ontfanck ende reken(en) doen sal als vanden anderen penn(ingen) van zijn
ontfanck. Op die vijfte previlegie inhoudende viere punten den suppl(ianten) verleent bij Hertoghe Willem van Beijere, grave van Hollant inden jaer duijsent driehondert vijf ende vijftich. Die yerste punte
approberen wij ende confirmeren
mitsgaders die tweeste behoudelicke dat de ghenen dien tegens ons off onsen successeure ende naecomelinghen hoocheijt mesbrucken oft misdan sullen, off zaken committeren dit naer gescreven recht,
vuijtgesondert ende gereserveert
worden. Tderde ende tvierde punte vanden voirs(chreven) previlegie confirmeren wij oock indien de suppl(ianten) bewijsen dat zij vanden selve duegdelijcke gebruuckt hebben. Die seste previlegie
roerende die vrij weken merckt op die maendaghe
renoceren wij ende aboleren consenteren(de) ende verleenen(de) de voirs(chreven) suppl(ianten) bij desen van nyeuws als dat zij ende huenen naecomers voirtaen telke weecke op die maendaghe in
onsen
voirs(chreven) stede van Sinte Geertruijdenbergen een vrij merckt
hebben ende houden sullen ende den ghenen die de selven merckt sullen willen visiteren geven wij vrij ende vast geleijdende maendaechs in onsen voirs(chreven) stede te commen ende des dijsdachs daer
naer volgen(de) te wederkeeren, ende dat men
henl(uijden) op die twee daghen van civilen zaken schuldenbrueken off boeten, nijet en sal mogen becommeren arresteren off molesteren bijnnen de voirs(chreven) stede. Welverstaende dat de selve
suppl(ianten) yerst ende voirall ende als zij desen
onsen briefven van ottroije sullen moghen doen condighen ende publiceren off vanden voirs(chreven) previlegie gebruijcken de selve (onleesbaar) rentm(eester) in Hollant zullen draghen ende
p(res)enteren om aldaer (onleesbaar) te wesen
ontbieden daeromme onsen voirs(chreven) zeer lieve ende getrouwe groot cancell(ie)r den hoofde ende (onleesbaar) van onsen (onleesbaar) van onsen Rade te Mechelen. Den Stadthoudere pres.....
(onleesbaar)
van onsen Raede ende Reken(inge)n in Hollant Zeelant ende Vrieslant onsen baillieu ende rentm(eester) (onleesbaar) officieren ende ondersatten dien dit aengaen mach, dat zij (onleesbaar)
van onsen voirs(chreven) ottroije ende van all tinhoudt van dezen doen gedoogen ende laeten rustelijck ende vredelijck (onleesbaar) daertegens te doene off gedooght gedaen te worde hinder
(onleesbaar)
ter contrarien. Want ons alsoo geliefft Oirconden des voirs(chreven) is hebben wij onsen zeghel hier aen doen hangen (onleesbaar) stadt van Bruessel den yerste dach in September int jaer ons Heeren
duijsent vijfhondert ende twintich, Ende van onsen rijcken tewetene vanden romsche (onleesbaar)
Bij den Coninck
Opten xxix Dach van Octobris anno xv(hondert) ende twintich, soo is
desen brieff geregistreert inden camere vanden rekeningen inden Hage
int witte ruijge register aldaer gehouden beginnende x October
anno xv(hondert) zestien folijt xc ende xci, In kennisse van mij

N.B. Herkomst: 2600. Archief stadbestuur Geertruidenberg, inv. nr. 5.