Digitale Charterbank Nederland
De Digitale Charterbank Nederland (DCN) is een centraal dataportal waarin uiteindelijk de gegevens van alle in de Nederlandse archiefinstellingen bewaarde charters in één zoekactie kunnen worden doorzocht. Het portal is ontwikkeld in een samenwerking tussen het Huygens Instituut voor Nederlandse Geschiedenis en DE REE archiefsystemen te Groningen, die de digitale toegangen van een groot deel van de Nederlandse archieven beheert. De derde partner in het project, dat werd ondersteund door NWO, was Het Utrechts Archief. Voorts is actieve medewerking verleend door het Regionaal Historisch Centrum Limburg, het Nationaal Archief en veel andere archiefdiensten.
‘Charter’ is de archiefterm voor een afzonderlijk stuk perkament of papier, lees verder
Mijn Studiezaal (inloggen)
titel ( Regionaal Archief Tilburg )
Zoeken in Charters
Ic Huijgheman Peters soen doe cond allen luden want overmits groten zwa(r)en ende onv(er)drachliken last van orloghen van brande ende van den water den eerba(r)en schepen(en) rade ende ghemeijnre stede van Sente Geerdenberghe overghecomen, alsoe si bij bringhen ende claghen dat si in gheenre manieren en vermoghen te betalen alsulke lijfrenten als ic ende vele andere diverse persone(n) jaerlix hebben opte stede van Sente Geerdenberghe voirs(eid), daer om mij die voirscreven schepen(en) raet en(de) ghemeijne stede van sente Geerdenberghe haren noot ende last ghetoent hebben biddende om gracie van jaer tot jaer van alsuken vive Hollantsche gulden laetste gheslaghen als ic siaers hebbe tot minen live opte stede van Sente Geerdenberghe voirs(eid) ghelijc dattet claerlijc bliken mach biden openen brieven die ic daer af hebbe Soe doe ic te weten dat ic aen ghesien den noot ende last voirgenoemt /Eender composicien metten voirscr(even) her(en) scepen(en) rade en(de) ghemeijnder stede van sente Geerdenberghe voirs(eid) overghecome(n) bin / In deser manie(re)n dat ic Huijgheman Peters soen voirs(eid) dat ic mij nu voirtdaen sal laten ghenoegen van jaer tot jare met dordalve(n) Hollantsche gulden voirs(eid) alsoe langhe als ic leven sal / dies sal ic mine termine manen als si verschenen siin / Ende nader maninghe soe salmen mij betalen binnen der maent met voirw(aer)den of mine brieve sullen bliven staende in haerre macht des torconden Ende om der meerder sekerheit dat ic Huijgheman voirs(eid) dese composicie vast en(de) ghestendich houden wille in alder manie(re)n en(de) voirw(aer)den dat voirscreven staet Soe heb ic vriendelijc ghebeden den eerba(r)en ende besceydenen mine(n) lieve(n) vrienden ov(er)mits ghebrects mijns zeghels wil te weten Gheraert Vredrics soen Ende Jan Haghen Peters soen dat sij dit op mij zeghelen willen ende hare zeghelen aen dese teghenwoerdege l(ette)ren hanghen willen Ende wij Gheraert Vredric Ende Jan Haghen voirg(enoemt) want ons Huijgheman Peters soen voirs(eid) gheopent heeft en(de) te kennen ghegeven hoe dat hi alsulke composicie als voirscr(even) staet overghecomen is metten eerbae(re)n scepen(en) rade en(de) ghemeender stede van sente Geerdenberghe / In alder manie(re)n en(de) voirw(aer)den dat voirscr(even) es ende hi die alsoe vast en(de) ghestendich houden wil / Ende ons ghebeden heeft ende aen ons begheert dat wi des torconden ende meerde(re) kennissen der waerheit dit op hem bezegelen willen en(de) onse zegelen aen dese l(ette)ren hanghen willen ov(er)mits ghebrec sijns zegels Soe hebben wij des selfs Huijghemans voirs(eid) bede en(de) begheerte hier af gehoert Ende onse zeghelen ter beden en(de) begheerten van hem ende om overmits ghebrec sijns zeghels voirs(eid) aen dese teghenwoordige l(ette)ren ghehangen / In meerdere sekerheiden der waerheit van al dat voirscr(even) staet / Ghegeven opten twelften dach van martio (?) int jaer ons he(re)n duysent vierhondert vier ende dertich
Tekst verso: accoort over het betaelen van eenen lijffrent
N.B. Herkomst: 2600. Archief stadbestuur Geertruidenberg, inv. nr. 85.
Digitaal beschikbaar via de website
