Digitale Charterbank Nederland
De Digitale Charterbank Nederland (DCN) is een centraal dataportal waarin uiteindelijk de gegevens van alle in de Nederlandse archiefinstellingen bewaarde charters in één zoekactie kunnen worden doorzocht. Het portal is ontwikkeld in een samenwerking tussen het Huygens Instituut voor Nederlandse Geschiedenis en DE REE archiefsystemen te Groningen, die de digitale toegangen van een groot deel van de Nederlandse archieven beheert. De derde partner in het project, dat werd ondersteund door NWO, was Het Utrechts Archief. Voorts is actieve medewerking verleend door het Regionaal Historisch Centrum Limburg, het Nationaal Archief en veel andere archiefdiensten.
‘Charter’ is de archiefterm voor een afzonderlijk stuk perkament of papier, lees verder
Mijn Studiezaal (inloggen)
titel ( Regionaal Archief Tilburg )
Zoeken in Charters
Yc Joncfrow Katheline van ypelair, weduwe peters van hambroeck doe cond allen luyden want over mids zwaren
en(de) groten onverdrachliken last van orlogen van brande ende vanden water den eerbaren scepen(en) Rait en(de) ghemeen-
re stede van sente geerdenberge overgecomen is, alsoe sij bij brengen en(de) clagen dat sij in gheenre manie(re)n en ver-
moge te betalen, alsulke lijftocht renten, als ic en(de) vele andere personen jairlix hebben, op die stede van sente
geerdenberge voirs(creven), dair om mij die voirscr(even) scepen(en) Raet ende ghemeen stede van sente geerdenberge haren noot
en(de) last getoent hebben, biddende om gracie van jair tot jare, van alsulken sesse nobele als ic tsiaers hebbe
tot minen live op die stede van sente geerdenberge voirgen(oemd). Soe doe ic te weten dat ic aengesien hebbe
den noot en(de) last voirgen(oemd) ende met eenre composicien metten voirscr(even) he(re)n scepen(en) Rade, en(de) gemeynre stede van
sente geerdenberge voirs(creven), overgecomen bin, in deser manie(re)n dat ic joncfrow katheline voirs(creven) mij nu voortaen
sal laten genuegen miin leven lanck, met twelff gouden wilhelmus hollantschen schilden, goet en(de) custbair
off die weerde dair voir in ande(re)n goeden gelde, elx jairs tot twee t(er)minen te weten is te kerssavonde, ende
te sinte jans daghe baptisten te midzomer, en(de) tot elken t(er)mine voirs(creven), sesse der selver gouden wilhelmus
hollantsche schilde, en(de) dies sal ic mine t(er)minen manen, oft doen manen van minen wegen als sij verschenen
sijn, en(de) na dien dat ic gemaent hebbe, oft hebbe doen manen, soe salmen my betalen bynnen eenre maent
na dien dat ic gemaent hebbe, oft hebbe doen manen sonder minen cost, met alsulker vorwaerden weert
sake, dat ic niet betailt en werde bynnen eenre maent na elken t(er)mine alsoe voirscr(even) staet, en(de) ic hedde ge-
maent, oft doen manen soe sullen mine brieve dan bliven staen in huerre macht die ic vanden sesse nobele(n)
voirsc(reven) hebbe. Ende des torkonden en(de) in kennissen der wairheyt, soe hebbe ic joncfrow katheline voirsc(reven) mine(n)
zegel aen desen brieve gehangen, en(de) hebbe voort gebeden janne van ypelair mine(n) neve, dat hij om der meerre
kennissen desen brieff met my besegelen wille, dwelc ic jan van ypelair voirsc(reven) om beden van joncfr(ow)
kathelinen mijnre moyen voirscr(even) gherne gedaen hebbe, en(de) hebbe des torkonden minen zeghel bij der voirs(creven)
joncfrow kathelinen mijnre moyen zegel aen desen brieve gehangen. Inden jair ons heren dusent vier
hondert neghen ende dertich vier en(de) twintich daghe in september
N.B. Herkomst: 2600. Archief stadbestuur Geertruidenberg, inv. nr. 87.
Digitaal beschikbaar via de website
