Digitale Charterbank Nederland
De Digitale Charterbank Nederland (DCN) is een centraal dataportal waarin uiteindelijk de gegevens van alle in de Nederlandse archiefinstellingen bewaarde charters in één zoekactie kunnen worden doorzocht. Het portal is ontwikkeld in een samenwerking tussen het Huygens Instituut voor Nederlandse Geschiedenis en DE REE archiefsystemen te Groningen, die de digitale toegangen van een groot deel van de Nederlandse archieven beheert. De derde partner in het project, dat werd ondersteund door NWO, was Het Utrechts Archief. Voorts is actieve medewerking verleend door het Regionaal Historisch Centrum Limburg, het Nationaal Archief en veel andere archiefdiensten.
‘Charter’ is de archiefterm voor een afzonderlijk stuk perkament of papier, lees verder
Mijn Studiezaal (inloggen)
titel ( Regionaal Archief Tilburg )
Zoeken in Charters
Willem bider genaden goids Palensg(ra)ve upten Riin h(er)toge in Beye(re)n Grave van Heneg(ouwen) van Holl(a)nt van Zeel(a)nt ende heer van vrieslant
Doen cont allen luden dat wij om menigen truwen dienst wille die onse getruwe stede van Sinte geerdenberge ons ende onsen
voirvorde(re)n dier god genadich sij gedaen heeft ende noch oft god wilt doen sal Ende om dat sij opten palen van onsen lande
liggen ende oic om onse stede voirs(creven) mede te bete(re)n ende te vesten, hun van gracien ende niet van rechts wegen gecon
senteert gegeven hebben ende geven mit desen brieve dat sij houden mogen ende hebben vierhondert lantpoorters die te
gebruken ende te bedriven mit allen rechte ende in allen manieren geliken den ingeseten poorte(re)n binne(n) ons(er) stede voirs(chreven)
Ende ombieden ende bevelen onsen burgermeeste(re)n van ons(er) stede voirs(creven) die nu sijn of namaels wesen sullen dat sij dese
voirs(creven) lantpoorters ontfaen ende eeden so wanneer dats hun genuecht bi onsen scepen(en) van ons(er) stede voirs(creven) In allen form
als custumelic is Ende al dat van desen poorters comt als sij poorter worden ende als sij weder ontpoortert worden
dat willen wij ende meynen dat dat in ons(er) stede oirbair ende nutscap comen sal sonder yement anders genot of bate dair
of te hebben Ende Willen dat onse burgermeesters goede besceiden rekening(en) dair of doen sullen bi onsen Castelleyn ende
bi onsen gemenen gerechte also custumelic is Behoudeliken dat wire of hebben sullen vanden boeten die sij verbueren
sullen die twedeel ende onse stede voirs(creven) dat derdendeel geliken alst recht ende haircomen is Dit sal geduren Acht Jaire(n)
lang(en) naden date van desen brieve ende dair en tenden tot onsen wederseggen In oircond desen brieve besegelt mit
onsen segele Gegeven Inden hage upten twintichsten dach in marte Int Jair ons he(re)n duysent vierhondert ende vier nade(n)
lope van onsen hove
N.B. Herkomst: 2600. Archief stadbestuur Geertruidenberg, inv. nr. 375.
Digitaal beschikbaar via de website
