Seal

Digitale Charterbank Nederland

De Digitale Charterbank Nederland (DCN) is een centraal dataportal waarin uiteindelijk de gegevens van alle in de Nederlandse archiefinstellingen bewaarde charters in één zoekactie kunnen worden doorzocht. Het portal is ontwikkeld in een samenwerking tussen het Huygens Instituut voor Nederlandse Geschiedenis en DE REE archiefsystemen te Groningen, die de digitale toegangen van een groot deel van de Nederlandse archieven beheert. De derde partner in het project, dat werd ondersteund door NWO, was Het Utrechts Archief. Voorts is actieve medewerking verleend door het Regionaal Historisch Centrum Limburg, het Nationaal Archief en veel andere archiefdiensten.

‘Charter’ is de archiefterm voor een afzonderlijk stuk perkament of papier, lees verder

Uw zoekacties: Charters

Charters

Zoeken in Charters

In het portaal kan full-text worden gezocht in ruim 150.000 records met charterbeschrijvingen. Bij opgave van twee zoektermen worden de records gevonden waarin beide zoektermen voorkomen. Ook kan de periode waarin wordt gezocht worden begrensd met een begin- en/of eindjaar.

Bij het zoeken op naam dient men zich te realiseren dat in veel beschrijvingen de originele spelling is overgenomen. Wanneer men op zoek is 'Alkmaar', doet men er goed aan om ook op de oude spellingen als 'Alcmaar', 'Alcmaer', 'Alcmair', 'Alkmaer' en 'Alkmair' te proberen. Hetzelfde geldt voor de variatie in de spelling van persoonsnamen: 'Gerard' kan ook verschijnen als 'Gheraerd', 'Gerrijt', 'Gherardus',  enzovoort.

beacon
3  charters
sorteren op:
 
 
 
 
Beschrijving van de onderliggende componenten
- Charters inventarisnummers 001-099
-.1 Beschrijvingen 1-49
1 Vidimus van de deken en het kapittel van de kerk van Onze Lieve Vrouw te Breda van een oorkonde van hertogin Johanna van Brabant, gedateerd 6 februari 1394, waarin op haar beurt weer is opgenomen en de tekst wordt bevestigd van een oorkonde van haar vader Jan III van Brabant van 21 juli 1342, waarin de hertog verklaart, dat hij in grote lijnen de bestaande rechten en wijze van rechtspreken van zijn Tilburgse en Goirlese onderdanen zal respecteren. 1400 december 02
NB:

Wy Deken en(de) Capittel, van onser vrouwen kerke tot Breda doen kont en(de) kenlike allen luden dat wy gesien en(de) overlesen hebben ene brief
gans en(de) ghave ongecancelleert en(de) ongheraseert wael ende wittelec bezegelt sprekende van woerde te woerde gelyc dat hier na ge
screven staet Johanna bider gracien Goids Hertoghinne van Luccemb(urg) van Lotryc van Brabant en(de) van Lymb(urg) marcgravinne des heylichs
Rycs doen cont allen luden dat want onse lieve he(re) en(de) vader h(er)toge Jan van Brabant seliger gedencnessen, gegeven heeft en(de) verleent onse(n)
goiden luden van Tilborch en(de) van Goerle zek(er)e pointen van omlegien gelyc die begrepen syn in sinen Oepenen brief die van woerde
te woerde hier nu volght. Wy Jhan bider gracien ons heren (de)n h(er)toge van Lothrike van Brabant van Lymb(urg) en(de) marcgreve des heilichs
Ryx En(de) Heinrec van Brabant syn oudste soen doen cont hen allen die dese l(itte)ren selen sien en(de) hoiren lesen want ons onse lude va(n) onsen
dorpen van Tilborch en(de) van Goerle ghemeinlic versocht hebben en(de) gebeden dit wise houden willen voertane emmermeer in alsulke(n) pointe(n)
van rechte en(de) in alsulken heerbrenghen also si voirmaels hebben gepleghen en(de) heerbracht ende dairse voirmaels die heren van Tilbourch
in lieten wi die hae(re) redenlike bede en(de) versuec aenzien hebben geven en(de) consenteren, hen haren hore en(de) erfnamen na hen erfleke
en(de) emmermeer die pointen die hier na volghen. Inden yersten dat wi hen neghene Scepenen secten en selen noch and(er) recht geven
dan si voirmaels gehadt hebben en(de) heerbracht. Item dat neghene papen gheordende liede noch anders yeman eenich erfnisse binnen
den p(ro)chien van Tilbourch en(de) van Goerle vercrigen en selen mogen si en selen dair af aldair ten vonnisse en(de) ten recht moeten staet
tielyc onsen ande(re)n [l]uden van Tilbourch en(de) van Goerle Item uut dat zake dat onse voirs(creven) lude van Tilbourch en(de) van Goerle, eens vonnisse
gemaent worden en(de) si des binne(n) den naisten drien gevechten met broet en consten gewen den Soe willen wi dat dan die ghene die onse
schoutheit ald(er) syn sal Onsen voirs(creven) luden van Tilbourch en(de) van Goerle hebben soe die wyste van onsen mannen dair omtrent wonende
en(de) die si dae(re) toe begeven selen, hen mede te beradene en(de) wat [om] mit haren Raide gewyst sal worden voir een recht ocht mit gevel[g]e
dat dat vast en(de) gestedichlike blive(n) gehauden en(de) soe wie dair [t]egen seide dat hi dat beteren soude na datme(n) voirmaels gepl[eg]e(n) heeft
en heerbracht Item consente(re)n wi en(de) geven onsen lude(n) van Tilbourch en(de) van Goerle en(de) willen dat men hen van allen zaken [die] sy
misdaen hebben ofte namaels misdoen moghen binne(n) der enninghen van Tilbourch en(de) van Goerle vonnisse en(de) recht sal doen binne(n)
der p(ro)chien van Tilbourch en(de) anders nerghent na datmen v[oir]maels heerbracht heeft en geplegen en(de) om dat wi willen dat alle
dese voirs(creven) pointe(n) onsen voirs(creven) lude(n) van tich Tilborch en(de) van Goerle en(de) horen erfgenamen na hen emm(er)meer vast en(de) we[tti]ghe
h[eer]en bliven Soe hebben wi hen gegeven dese letteren bezegelt mit onsen segelen in kennissen der wairheit Dit was
gedaen en(de) gegeven tot Bruessel In sente Marien Magdalenen avonde Inde(n) jae(re) ons he(re)n dusentich driehondert twee en(de) vier
tech, Wy die ons voirs(creven) liefs he(re)n en(de) vaders brieve houden en(de) volghen willen, Confirmeren en(de) stedeghen den voirs(creven) ons liefs
he(re)n en(de) vaders brief en alle pointen dair in bescreven voir ons onse hoir en(de) nacomelinghe(n) En(de) gelove(n) onse goiden luden onser
banc van Tilborch en(de) van Goerle voirs(creven,) te houdene en(de) te latene bi allen h[uere(n)] rechten vryhoiden en(de) heerbringhen onverbroe
kelic als si die heerbracht hebben tot ewigen dagen emmermeer voert geven wi en(de) verlenen mit desen brieve onse(n) voirs(creven) inde
onss(en) ban[c] van Tilborch en van Goerle voir ons onse hoir en(de) nacomelinge ov(er)mids zeker hoefscheit van gelde die si ons hebben ghedaen
dat si voertane allew[e]ge vry sullen wesen van gruytgelde van hopgelde en(de) van vreemden biere datme(n) binne(n) onsen dorpen van Til
borch en(de) van Goerle drinken en(de) sliten sal dat welc Johannes die Juede wissele(n) in onss(en) Stad vande(n) Bosch va[n h?]en heeft wille(n) voeren
en(de) inde brieve die hi dair af hadde en(de) dair hi onse man van leen af was dair op dat die selve Johannes mids zek(er) voirlief dat
hi va(n) onsen voirs(creven) lude(n) dair af heeft gehad voir ons en(de) voir onse manne van leen nu heeft v(er)tegen Soe dat wi onse(n) voirs(creven) luden dat
hebben v(er)eyge(n)t en(de) van desen dage voert selen onse voirs(creven) lude hae(re) gruyt meghen halen dair hen dat best ghennecht onbedwonge(n)
van yeman en(de) en sal inde(n) selve(n) onsen dorpen engheen gruytstad liggen In enghene(n) tiden toecomende Behoudelic dien of onsse
lude(n) van Tilbourch en(de) van Ghoerle mit hare(n) toebehoirten hoppen bier vreemt bier of ander bute(n) onss(e) banc van Tilborch en(de) van
Goerle buirde(n) of buire(n) deden tot Oesterwyc of in enege and(er) gruytstad ond(er) ons dat me(n) van dien bier tot dier gruytstad sal moge(n)
neme(n) vande(n) gene(n) die dat bier dae(r) cochten of tapten alsulc gel[yc] alsmen dair af sculdich is te hebben Item geve(n) wi en(de) verlenen onse(n)
voirs(creven) lude(n) va(n) Tilborch en(de) van Goerle mit hue(re)n toebehoirte(n) dat s[i] altogs hoir core(n) selen mogen doen malen dairt hen evenste coempt
en d(er)af onbedwonge(n) wese(n) vorder gehoude(n) te syn te malen op een molen dan op een ander buten onse voirs(creven) dorpen of dair binne
gelyc si heerbracht hebben allen argelist utegescheiden In or[co(n)]de des briefs d(er) wi onse(n) segel aen hebben doen hanghen Gegeven
te Bruess(el) zes dage in februar(i) inde(n) jair ons he(re)n M CCC VCIIII na somne shoifs va(n) Cameric ende want wi deke(n) en capittel voirs(creven)
desen brief voirs(creven) gelesen en gesien hebbe(n) gelyc voirs(creven) es Soe hebben wy dit vidim(us) d(er) af oepen bezegelt m(et) onse(n) segel Int jair ons
he(re)n mcccc twe dage in decemb(er)

Achterzijde links:
Copia Illorum in Tilborch et Goerle [etc.?]
de Privilegys Approbata fuit
p(rese)ns anno d(omi)ni 1400, 2a decembris

Bredae, In Capitulo

Gesien en(de) gecollatereert 17 juny 1661
N. La Haye 1605

Achterzijde rechts:
Copia de p(ri)v(ilegi)o chysis? illor(um)
de Tylleborgh et Goerle

Openbaarheid:

Digitaal beschikbaar via de website

Organisatie: Regionaal Archief Tilburg
 
 
 
 
 
Beschrijving van de onderliggende componenten
- Charters inventarisnummers 001-099
-.2 Beschrijvingen 50-99
79 Vidimus, waarin schepenen van ’s-Hertogenbosch verklaren gezien en gelezen te hebben een brief d.d. 17 november 1387, afgegeven door Johanna, hertogin van Brabant, waarin zij voor 4000 aude Vrancrijcschen schilden de dorpen Tilburg, Goirle en Drunen met toebehoren en de tol tot Loon op Zand (Venloen) verpandt aan Pauwels van Haestrecht en zijn nakomelingen. 1612 december 15
NB:

Wy Willem Olivieren en(de) Goyart Loeff Scepen(en) inne Shertogenbossche doen condt
eenenyegelyck dat wy op huyden datum deses lest onder gescreven hebben gesien en(de) hoiren lesen seeckere oipene brieven van hooger
memorie Vrouwe Johanna bider gratien godts, hertoghin(n)e va(n) Luccemb(urg) van Brab(an)t van Lymburg en(de) mercgrevinne des Heylichs Ricx niet gevitieert
geraseert oft gecancelleert, maer gans end(e) geest wesende, behoirlycken mit der voirs(chreven) Vrouwe Johanna zegel uuythangende besegelt,
luydende aldus, Johanna bider gratien gods, hertoghinne van Luccemb(urg) van Brabant van Lymb(urg) ende mercgrevinne des Heylichs
Rycx, doen condt allen luden, dat wy voir ons onse oir ende erfgenamen ghegheven hebben ende gheven met desen brieve Onsen
getruwen Rade Heeren Pauwels van Haestrecht voir hem sinen oir ende nacomelingen voir vier dusent aude vrancrycsche schilde,
die hy ons gheleent ende verleyt heeft inden schoutheit ambachte vanden Bossche onse dorpen van Tilborch van Goerle ende van
Druenen ende ooc den Tolle tot Venloen met allen hueren heerlicheden, hoghe ende neder met allen broeken forfaiten groote ende
clene met mannen cheinsen Renten waranden ende visscherien, Ende met alden auden hueren toebehoirten hoe die gelegen syn in
naten of in droegen, en(de) hoe die genoempt syn, gelyc wy en(de) onse voirvaren dit tot hier toe gehouden hebben, niet uutgesceyden dan
alleen thof van Ghiersberge toebehoirende der abdissen vander Cameren, dair wy onse heerlicheyt en(de) recht aen behouden, Behoudelic
oic ons onsen clocslach inden voirs(chreven) dorpen en(de) sinen toebehoirten en(de) onse bede als onse gemeyn lant ons bede ghilt, met voirwarden dat
her Pauwels voirgenoempt en(de) sinen erven die voirs(chreven) dorpen mit hoiren toebehoirten en(de) daertoe syn borch te Venloe van ons en(de) van
onsen erfghenamen h(er)toghen oft h(er)toghinnen van Brabant alle weghe houden selen en(de) sculdich syn te houden in leen Ende ons dair
af doen alzulcken dienst als een man sinen he(er) sculdich es te doene, En(de) en selen her Pauwels van Haestrecht voirgenoempt, noch
syn oir en(de) erfgenaemen, onse lude inden voirgenoemden dorpen met hueren toebehoirten gheseten, niet mogen handelen noch
vueren buten vonnis noch recht van zaken die te vonnis staen Ende selen se verantwoirden en(de) beschudden voir onrecht en(de) gewelt
na hair macht, Behoudelyck dat her Pauwels voirs(chreven) en(de) syn erven binnen den voirgenoemden dorpen alle ondaet der hogher
heerlicheyt aengaende die in desen dorpen of in hueren toebehoirten gevallen selen Lichten mogen op hairs selfs consciencien
Omme die ondaet te verdriven sonder ieghen ons dair aen te misdoen oic hebben wy verleent ende gegeven hem Pauwels
voirs(chreven) en(de) sinen erffgenamen, voir ons ende onsen nacomelinghen dat wy in enghenen van onsen dorpen in onsen schoutheitscap
van Oesterwyc gelegen en selen doen legghen noch laten heffen enegherande tolle dan dair men ne van ouds gheheven
heeft die heeren Pauwels voirgenoempt of sinen erfghenamen scade of hindernisse aen sinen tolle te Venloen die hi
iegen ons nu vercregen heeft draghen moeghen in enegher manieren, ende so wanneer wy off onsse erven willen moghen
wy die voirghenoemde dorpen met hueren toebehoirten affloessen alle weghe binnen veerthien daighen na Sinte Mertens
dach inden winter, metten voirs(chreven) vierdusent auden francrycschen schilden of metten weerden dair aff, beheltenis heeren
Pauwels ende sinen erven hoiren Renten Rechten en(de) fourfaiten die hen dan op dien tyt verschenen sullen syn, die sy heffen
hebben en(de) behouden selen inde die loesnisse gedaen es voirwarde dat her Pauwels ende syn erfghenamen hoir voirs(chreven)
bourch te Venloen weder hebben selen ende behouden sonder manscap dairaf te doen ons of onsen nacomelinghen het en sy
mit hueren wille, ghelyc her Pauwels die tot hier gehouden heeft, allen argelist uutgescheiden, in oirconde des briefs
dair wy onsen Seghel aen hebben doen hanghen, Ghegheven te Bruessel zeventhien daghe in novembr(is) int jaer ons
heren als men screef dusent driehondert seven en(de) tachtentich, ende was ondergescreven Per do(min)am ducissam p(er)sonaliter
pr(a)esentib(u)s d(omi)no Joh(ann)e d(omi)no de bourch et Rener Holland receptore Braban(tiae), ende ondertekent RR Bont in kennisse der
waerheyt als vande visitatie der voirn(oemde) oipene brieven, Soo hebben wy Scepen(en) voirn(oemt) onse Zeghelen opt spatium
deses doen drucken, Gegeven den vyftiensten dach der maent decembris, int jaer ons heeren duysent sesshondert en(de) twelff,
J vanden Velde [?]

[Achterkant]
Vidimus van Scheepenen
van S. Bosch aen-
gaende de openen
brieven van vrouwe
Johanna van Braband
aen Heere Pauwels
van Haestregt in
dato 15 december 1612
No 9

N.B. Herkomst: Archief 2. Heerlijkheid Tilburg en Goirle, inv.nr. 1.

Openbaarheid:

Digitaal beschikbaar via de website

Organisatie: Regionaal Archief Tilburg
 
 
 
 
 
Beschrijving van de onderliggende componenten
- Charters inventarisnummers 500-583
-.2 Beschrijvingen 550-583
557 Vidimus van Albert en Izabel Clara Eugenia, infante van Spanje en o.a. hertogen van Brabant betreffende een akte van Sint Jan Kaptijf (in captivitate) 1327 waarin de inwoners van Heukelom hun gemeint kochten van de hertog van Brabant. z.d.
NB:

Albert ende Izabel Clara Eugenia Infante van Spaignen bijder gratien Godts Eerts
hertogen van Oistenrijck, hertogen van Bourgoignen, van Lothrijck, van Brabant, van Limborgh, van Luxemborch ende van Gelre, Graeven van Habsburg, van Vlaenderen, van Arthoijs, van Bourgoignen, van Thirol,
Palsgraeven ende van Henegouwe, van Hollandt, van Zeelandt, van Naemen, ende van Zutphen, Marcgraeven des heijlichs rijcx van Roome, heeren van Vrieslandt, van Salms, van Mechelen, vande
stadt, steden, ende lande van Uuijtrecht, Overijssel, ende Groeningen, allen den genen die dese onse oepene brieven sullen sien oft hoiren lesen saluijt, wij hebben ontfangen die oijtmoedige
supplicatie van onse lieve ende beminde die borgem(eeste)ren, regeerders, ende gemeijne naebueren des dorps van Heuckelum resorterende onder de vrijheijt van Oijsterwijck inde meijerije der
stadt van sHertogenbossche, inhoudende hoe dat die voersaeten van hun supplianten inden jaere XIIIc XXVII op Sint Jans Kaptijf dach bij coope tegen den hertoge van Brabant (onleesbaar)
hebben sekere gemeijnte, waeraff alsoo sij supplianten vercregen hadden sekere besegelde brieven, welcke brieven midts der lanckhijdt van tijde waeren geschaepen verdonckert te wordden
ende te vergaen, hebben de supplianten deselve brieven gansch, geve, geheel, sonder cancillatie, rasure, oft suspicie onsen Raede van Brabant verthoont ende versocht dat denselven (onleesbaar)
gelieven soude hen supplianten vande selve brieven te verleenen oepene brieven om hen te dienen als vidimus, ende daermede in tijden ende wijlen hen te behelpen, op dwelck (onleesbaar)
den supplianten inden jaere XVc LIII den derden meert zijn geaccordeert de voers(creven) oepene brieven van vidimus, blijckende bij copie autentijck bijden secretaris van Oisterwijck tegen [d'origi-]
naele brieven gecoll(ati)onneert daeraff zijnde, nu eest alsoo dat de supplianten deur deze quaede tijden ende t'verloopen vande luijden de voers(creven) brieven van vidimus hebben verloren sonder dat
sij deselve weten te becommen, hebbende alleenlijck daeraff de copie autentijck, dewelcke van gelijcken lichtelijck geschaepen is te vergaen ende versleten te wordden, tot grooten achterdeele
der supplianten dewelcke ons seer oijtmoedelijck hebben gebeden dat ons soude gelieven hun te vergunnen renovatie vande voers(creven) oepene brieven van vidimus, om hen in tijden ende wijlen
daermede te behelpen daer ende soo behoiren sal, ende naerdijen in onsen Raede van Brabant is gesien ende gevisiteert geweest die originele minute vande voers(creven) oepene brieven van
vidimus onderteeckent bij wijlen den secretaris facuwen deselve geexpedieert hebbende, ende dat bevonden is deselve minute taccorderen mette voers(creven) copie autentijck, waeraff den teneur
van woerde te woerde hiernae volght, Kaerle bijder gratien godts Roomsch Keiser altijdt vermeerder tsrijcx Coninck van Germanien, van Castillien, van Leon, van Grenade, van Arragon,
van Navarre, van Napels, van Cecillien, van Maillorcken, van Sardinien, van(de) Eijlanden ------ Indien, ende vander vaster eerde der zee Oceane, Eertshertoge van Oistenrijck, hertoge van Bourgoignen,
van Lothrijck, van Brabant, van Limborch, van Luxemborch, ende van Geldre, Graeve van Vlaenderen, van Arthoijs, van Bourgoignen, Palsgraeve ende van Henegouwe, van Hollant, van
Zeelandt, van Ferrette, van Haguenault, van Namen ende van Zutphen, Prince van Swave, Marcgraeve des Heijlichs Rijcx, heere van Vrieslandt, van Salms, van Mechelen, vande stadt
stede ende landt van Uuijtrecht, Overijssel ende Groeningen, ende dominateur in Asie, ende in Affrijcke, allen dengenen die dese onse brieven sullen sien oft hoiren lesen saluijt, doen
te wetene dat wij ten versuecke van onsen wel geminden den gebueren van Hueckelum, hebben bij onsen seer lieven ende getrouwen den Cancellier ende luijden van onsen Raede geordineert
in Brabant wel ende ernstelijck doen oversien ende visiteren sekere besegelde brieven gansch, geve, geheel, ongevitieert, sonder cancellatie, rasure ende suspitie, vanden welcken den teneur
hiernae volght van woerde te woerde, ende is aldus, Engebrecht Ludinck van(de) Dijcke Rentm(eeste)r vanden Bossche doen cont eenijegelijcken dat wij vercocht hebben van ons heeren (onleesbaar)
wegen den gebueren van Heuckelum een gemeijnte die gelegen is bij Heuckelum, ende reent aen die gemeijnte van Oisterwijck, al die heerstraete neffen dijer galgen op totten wegen
die van qualen compt ende dijen selven wech neder tot Berthouts palen toe, ende van daer tot Quaredicke, ende van daer neffen Heuckelum totter gemeijnten van Oisterwijck voerge-
noempt alsoo verre als binnen dijen palen gelegen is dat ons hertogen is voernoempt, omme tweendertich pont the voirlive, eenen ouden conincx grooten tornoijsen voer sesthien
penningen gerekent, ende omme achtien groote tornoijse te gelden jaerlijcx op Sente Thomas dach des Apostels tot Oisterwijck, welcke achtien groote die voergenoemde gebueren
van dijerre voergeseijder gemeijnten maecken moegen, ende nijet meer, voirt meer als sij begeren aen den Rentm(eeste)r die nu is oft ten tijden wesen sal eenen scutter die scutten sal moegen
tot vijff schillingen alle vremde beesten alsoe dicke alsse op dese voergenoemde gemeijnte commen, ende daeraff sal men den schutter lonen, ende dander sal hebben ons heer die hertoch
voerseijt, met getugenisse deser letteren besegelt met onsen segel int jaer ons heeren duijsent drijehondert sevenentwintich des vridachs nae Sente Jans dach Kaptijfe vanden welcken
wij den voers(creven) gebueren van Heuckelum geconsenteert ende geaccordeert in onse stadt van Bruessele den derden dach van meerte int jaer ons heeren duijsent vijffhondert ende
drijenvijftich nae costuijme van schrijven ons hoffs van Brabant van onsen keijserrijcke t vierendertichste, ende van onse rijcken van Castillien ende anderen etc(etera) tachtendertichste, opde vouwe stont
geschreven, bijden keijser, in zijnen Raede, onderteeckent facuwen, noch stont opde vouwe geschreven, coll(ati)o(ne) facta est, ende gemerct die voers(creven) oepene brieven van vidimus zijn gedemanueert
ende verloren soo die voers(creven) supplianten seggen, wij genegen wesende ter bede der voers(creven) supplianten hebbende hun dese tegenwoerdige brieven doen expedieren om hun in tijden ende wijlen daer
mede te moegen behelpen daer ende soo des behoiren sal, ende voer soo vele zij daeraff tot nu toe deughdelijck gebruijct hebben, ende des t oirconden hebben wij onsen segel hieraen doen hangen
Gegeven in onse stadt van Bruessele den lesten dach van Januarius int jaer ons heeren sesthienhondert ende ses.

[Tekst op de pliek:]
Bijde Eertshertogen
In hunnen Raede

N.B. Opgenomen in de charterverzameling onder nr. 20. Herkomst: 692. Archief dorpsbestuur Berkel, Enschot en Heukelom, inv. nr. 227.

Openbaarheid:

Digitaal beschikbaar via de website

Organisatie: Regionaal Archief Tilburg
 
 
 
Een product van:

Huygens ING De Ree